1 қыркүйек - Білім күні

"Мостик негізгі мектебі" КММ 2023-2024 оқу жылының басталуына орай алғашқы қоңырау мерекелік салтанатты жиыны болып өтті. Алғашқы қоңырау мерекесі 1-сынып бүлдіршіндері мен 11-сынып оқушыларын салтанатты түрде ортаға шақырумен басталды. Мерекелік іс шараны мектеп директоры Сапкин Тусипбай Семиканович мектеп табалдырығын аттап отырған бүлдіршіндерді, оқушылар мен ата-аналарды құттықтау сөзімен бастады. Тусипбай Семиканович өз сөзінде қазіргі таңда жас ұрпаққа сапалы білім, саналы тәрбие беру - ұстаздар алдындағы үлкен міндет екенін атап көрсете отырып, биылғы оқу жылының ерекше екендігін айтты. Сондай-ақ, 1- қыркүйек -Білім күні мерекесімен оқушылар мен мектеп ұжымын құттықтап ата-аналар сөз сөйледі. Салтанатты жиын оқушылардың мерекелік сазды бағдарламасымен жалғасты. Республикалық "Мектепке жол" атты акциясы аясында аудандық кәсіподақ ұйымы атынан 1 сынып оқушысына мектеп сөмкесін тарту етті. Қоңыраудан соң барлық сынып оқушылары өз оқу кабинеттерімен танысып, «Мектебім - мейірім мекені» атты алғашқы білім күні сабағына қатысты.